WAFANYAKAZI WA SHIRIKA LA MISAADA WATEKWA KENYA

Kenya,

Polisi nchini Kenya wameripoti kuuawa kwa raia mmoja wa Kenya na kutekwa nyara kwa wafanyakazi wa sita  wa shirika  la kutoa misaada kwa wakimbizi la Norwegian Refugee Council,(NRC)  katika kambi ya wakimbizi ya Dadaab ilioko kaskazini mashariki mwa nchi hiyo.

 kKambi hiyo inatoa hifadhi kwa wakimbizi nusu milioni na ndiyo inatambulika kama kambi kubwa zaidi ya wakimbizi duniani.Aliyeuawa ni dereva raia wa Kenya wakati raia waliotekwa ni kutoka Ufilipino, Canada,Norway na Pakistan na wekanya wawili wote wanaume.

Msemaji wa Shirika hilo amedhibitisha tukio hilo na kusema kuwa katibu mkuu Elizabeth Rasmussen alikuwemo kwenye msafara uliovamiwa lakini amenusurika.

Kwa mujibu wa  polisi watu waliokuwa na bunduki walishambulia msafara wa magari katika kambi hiyo na kumuua dereva huyo huku wakiwajeruhi wengine wawili.

Polisi wamehusisha kundi la Al shabaab katika tukio hilo na vyombo vya usalama vimeanza msako mkali ndani ya nchi na kuelekea Somalia kwa mujibu wa Cyrus Oguna msemaji wa jeshi la Kenya.

SERENA ATUPWA NJE MASHINDANO YA WIMBLEDOM-Mwenyewe asema atarudi!

MAREKANI,

Aliyewahi kuwa bingwa mara tano katika mashindano ya tennis ya Wimbledon  na bingwa mara saba wa Grand Slam, Mmarekani Venus Williams, ameondolewa katika siku ya kwanza ya mashindano ya mwaka 2012 ya Wimbledon, katika raundi ya kwanza, baada ya kufungwa na mchezaji kutoka Urusi, Elena Vesnina ambaye yupo nafasi ya 79 katika orodha ya wachezaji bora zaidi wa tennis kwa upande wa wanawake.

Venus,  ambaye anaugua ugonjwa unaofahamika kama Sjogren's Syndrome, alishindwa  kwa seti  6-1 6-3 .
nafasi ya 79 katika orodha ya wachezaji bora zaidi wa tennis wa kike ulimwenguni.
Hata hivyo Serena alisema hawezi kukata tamaa na kustaafu, "Haiwezekani nipumzike tu na kukata tamaa," alisema Serena.
"Sina muda wa kujisikitikia. Hilo sio jambo zuri. Nitautumia muda wangu katika mawazo yanayonipa nguvu. Ninaupenda mchezo huu."
Mara ya kwanza Williams kushindwa katika raundi ya kwanza ilikuwa ni mwaka 1997, wakati ambao ilikuwa ni mara yake ya kwanza kushiriki mashindano hayo na hakuwa miongoni mwa wachezaji bora wa tennis.
Serena amekumbwa na mkosi katika mashindano hayo ambapo tangu mwaka2008, hajawahi kuibuka bingwa katika mashindano hayo.
Serena ameonekana kushuka kiwango tangu alipoanza kuugua ugonjwa huo ambao unamfanya ajisikie mchovu na kusumbuliwa na maumivu katika viungo vya mifupa yake.

Pengo:WACHOMA MAKANISA WASIACHWE

ASKOFU Mkuu wa Jimbo Kuu la Dar es Salaam, Mwadhama Polycarp Kardinali Pengo ameitaka Serikali ya Mapinduzi Zanzibar , kuwabana wahuni wachache wanaotaka kuvuruga amani kisiwani humo..

BAGAMOYO-PWANI, Pengo lisema hayo kwenye ibada maalumu iliyofanyika katika Kanisa la Msalabani Bagamoyo, mkoani Pwani, ikiwa ni maandalizi ya Mkutano Mkuu wa Shirika la Roho Mtakatifu, utakaofanyika kwa siku 30 kuanzia jumapili ya jana.
‘wahuni hawawezi kuizidi Serikali makini’.“Makanisa yetu yamecomwa moto na watu wahuni. Kama Serikali ipo na haiwezi kuchukua hatua dhidi ya wahuni, usalama uko wapi?” alihoji Kardinali Pengo.

“Wahuni wanaweza kutuunguzia makanisa saba kwa mpigo, lakini mbele ya hapo kuna makanisa kadhaa ambayo yalikwishaunguzwa na kubomolewa na hao wahuni,”alinukuliwa kardinali Pengo na kuongeza , “Kama sasa wahuni wameishinda nguvu Serikali ya watu kwa hiyo tutawaliwe na wahuni na wafanye lile wanalolitaka, tunajiuliza tunakwenda wapi?

Mara baada ya vurugu za Zanzibar, jopo la maaskofu kutoka madhehebu mbalimbali, walifanya mazungumzo na Serikali ya Mapinduzi ya Zanzibar (SMZ), huku wakiituhumu kushindwa kudhibiti vitendo vya uchomaji moto makanisa na kuihadharisha kuchukua hatua za haraka.


“Tanzania ni huru sawa, lakini mimi sitaki kusadiki kuwa ni huru kwa kila mmoja na kila Mtanzania, wapo watu ambao wangependa wao waneemeke hata kwa madhara ya wengi bila huruma hadi siku ya leo,” alisema na kuongeza:

“Tangu Shule ya St. Marian inaanzishwa, kuna baadhi ya viongozi wamekuwa wakitaka watoto wao wakasome pale na watoto wa maskini wasipate nafasi.”

Alitoboa siri kuwa ‘kuna barua za maombi zisizo za msingi ambazo amekuwa akipelekewa Askofu Shayo na kuzikataa, na wakati mwingine amekuwa akitishiwa maisha, kwani wapo wanaotaka kuwasomesha watoto katika shule nzuri ili waendele kujineemesha. Sasa huu sio utumwa?’
Kardinali Pengo alitoa wito kwa Shirika la Roho Mtakatifu kutumia mkutano huo kuendelea kuhimiza amani hapa nchini na kuiangalia Zanzibar, ambako amaniimeanza kutoweka.

CUF WAJUNGA KUPINGA BAJETI

 DODOMA,
 Chama cha wananchi CUF kupitia kwa mwenyekiti wake Prof. Ibrahim Lipumba kimeungana na  vyama vingine vya siasa vya upinzani kupinga Bajeti ya Serikali ya 2012/2013.

Lipumba aliiponda Serikali akisema kuwa nchi inahitaji uongozi wenye uwezo wa kusimamia rasilimali za nchi na matumizi ya fedha za umma.

Akiongea kwa niaba ya chama chake  mwenyekiti huyo amesema katu chama chake hakitaiunga mkono bajeti hiyo kwani  serikali imeshindwa kubuni vyanzo vipya vya mapato na pia imekuwa na usimamizi mbovu wa vyanzo vilivyopo.

Kwa tamko hilo , Lipumba ameungana na wenyeviti wenzake wa vyama vya upinzani, Freeman Mbowe wa Chadema na James Mbatia wa NCCR-Mageuzi ambao kwa wakati tofauti walisema bajeti hiyo haina jipya na imelenga kuwanufaisha watu wachache.

UINEREZA VS UFARANSA HAKUNA MBABE.

UKRAINE,Ufaransa walijitutumua kutoka nyuma na kulazimisha sare ya goli 1-1 dhidi ya Uingereza hapo jana katika mechi ya ufunguzi wa mechi za kundi D.

Mlinzi wa Manchester City Joleon Lescott aliipatia Uingereza goli la kuongoza katika dakika ya 30 baaada ya kupata krosi safi kutoka kwa Stephen Gerard.

Dakika tisa baadaye Samir Nasri Aliisawazishia timu yake baada ya kupiga shuti la chini nje ya eneo na kuipa mgawanyo wa pointi timu yake.

Katika mchezo huo timu hizo ziligawana utawala ambapo kipindi cha kwanza kilitawaliwa na Ufaransa na kile cha pili kiltawaliwa na Uingereza.
Leo tena michuano hiyo inaendelea ambapo kutakuwepo mechi za kundi A zitakazozikutanisha timu za Ugiriki dhidiya Jamhuri ya Czech na Poland watakaovaana na Urusi.

Greece v Czech Republic
Poland v Russia

UFARANSA VS UINGEREZA HAPATOSHI LEO!

 


Ufaransa na Uingereza leo wanakutana uso kwa uso katika mihuano ya mataifa ya Ulaya(EURO 2012) huko Donetsk.

 Ufaransa almaarufu 'Les Bleus' wanaingia dimbani leo wakiwa na rekodi ya kuishinda mara mbili Uingereza hapo Mwaka 1984 na Mwaka 2000.
Kwa Ujumla timu hizo zimekutana mara 30 , Uingereza ikashinda mara 16, kupoteza mara 6 na kutoka sare mara 6, ingawa Ufaransa ina rekodi ya kwa Uingereza katika michuano hiyo.

Uingereza imepunguzwa kasi na majeruhi Frank Lampard, Gareth Barry na Gary Cahill waliojitoa kutika kikosi hicho pia itamkosa Wayne Rooney ambaye ana adhabu katika mchezo wa leo.
Kwa upande wao Ufaransa ambao wataongozwa na nyota Karim Benzema wanamajeruhi   Blaise Matuidi na Yann M’Vila ambao licha yakurudi mazoezini  haijafahamika kama watakuwa safi kucheza mchezo wa leo.

Mchezo huo unatarajiwa kuwa wa kufa na kupona kutokana na ubora wa mataifa yote mawili, ambapo Uingereza watataka kulipa kisasi cha kufungwa katika mechi yao ya mwisho kukutana katika Uwanja wa Wembley hapo Novemba mwaka 2010.

Vikosi vinavyotegemewa kuanza leo ni:
Ufaransa  (4-2-3-1): Lloris; Debuchy, Rami, Mexes, Evra; M'Vila, Cabaye; Ribery, Nasri, Malouda; Benzema.
Uingereza  (4-4-1-1): Hart; Johnson, Terry, Lescott, Cole; Milner, Gerrard, Parker, Downing; Young; Welbeck.

TAIFA STARS YAFANYA KWELI

Timu ya taifa 'Taifa Stars'imefanikia kuichapa Gambia kwa mabao 2-1 kwenye Uwanja wa Taifa jijini Dar es Salaam hapoi jana na kuamsha nderemo kila kona ya nchi.
Katika mechi hiyo ya kuwania kufuzu kushiriki Fainali za Kombe la Dunia 2014 nchini Brazil taifa Stars walianza kutoka nyuma na kusawazisha kabla ya kufunga goli la ushindi. Gambi ndio walioanza kuongoza kupitia mchezajia wao Momodou Ceesay anayechezea klabu ya MSK Zilina ya Slovakia goli ambalo lilidumu mpaka mwisho wa kipindi cha kwanza kilipomalizika.

Kipindi cha pili kilianza kwa Taifa Stars kushambulia huku Mabadiliko ya kumtoa John Boko na kumwingiza Haruna Moshi katika dakika ya 54 yaliongezakasi na nguvu katika safu ya ushambuliaji ya Stars kwa nguvu na hatimaye katika dakika 60  beki Shomari Kapombe aliifungia Stars bao la kusawazisha akiunganisha kwa tik tak  krosi ya Erasto Nyoni.

Dakika zikiwa zinayoyoma mchezaji Erasto Nyoni aliyecheza kwa umahiri mkubwa hapo jana alifunga bao la pili lililoipa Stars ushindi kwa mkwaju wa penalti katika dakika ya 85, baada ya mchezaji wa gambia kunawa mpira ndani ya eneo la hatari.

Kwa matokeo hayo Tanzania sasa inashika nafasi ya pili ikiwa na pointi tatu na ikiwa pointi moja nyuma ya vinara Ivory Coast yenye pointi nne baada ya kulazimishwa sare ya 2-2 na Morocco inayoshika nafasi ya tatu na Gambia inashika mkia ikiwa na pointi  mbili.

BOB MAKANI AFARIKI DUNIA-Kuzikwa Shinyanga.

Marehemu Bob Makani, enzi za uhai wake.

Katibu Mkuu wa kwanza wa Chadema, na aliyekuwa Mwenyekiti wa chama hicho, Bob Makani, amefariki dunia usiku wa kuamkia leo katika Hospitali ya Agakhan jijini Dar es Salaam.

Bob Makani  ameshawahi kuwa Naibu Gavana wa kwanza wa Benki Kuu ya Tanzania 

     Habari za kifo chake zimetolewa na kuthibitishwa na Mwenyekiti wa Chama hicho, Freeman Mbowe, ambaye amesema kuwa, Bob Makani amefariki dunia, baada ya kuugua kwa muda mrefu, na mwili wake umehamishiwa katika hospitali ya Taifa ya Muhimbili alikopelekwa baada ya kuzidiwa ghafla.

    Kufuatia kifo cha mwasisi huyo wa chama hicho, sasa Chadema wamekatisha ziara za kuimarisha uhai wa chama zilizokuwa zikiendelea katika mikoa ya kusini mwa Tanzania.
Wakati huo huo, taarifa za familia zimesema Marehemu  utaagwa leo Dar es Salaam na utazikwa keshokutwa katika Kijiji cha Negesi, Wilaya ya Kishapu, Shinyanga.

Mtoto wa Marehemu, Mohamed Makani aliwaambia waandishi wa habari nyumbani kwa marehemu, Mbezi Beach kwamba mwili wa marehemu utaagwa leo katika Ukumbi wa Karimjee, Dar es Salaam.
Alisema baada ya mwili huo kuagwa, utapelekwa katika Uwanja wa Ndege wa Mwalimu Julius Nyerere tayari kwa kusafirishwa kesho.
“Bado hatujafahamu mwili utaagwa kuanzia saa ngapi katika Ukumbi wa Karimjee, lakini tutaendelea kuwafahamisha wananchi baada ya mawasiliano ya wanafamilia,” alisema.

WAZIRI SAITOTI NA NAIBU WAKE WAFARIKI KWA AJALI YA NDEGE KENYA.

Nairobi-Kenya,

Waziri wa Usalama wa ndani wa Kenya Profesa.George Saitoti na Naibu waziri wake Orwa Ojode na maafisa wengine sita(6)  wamefariki dunia baada ya kupata ajali na Helikopta ya Polisi huko Ngong karibu na Nairobi.

Imeeelezwa kuwa Saitoti na wenzake walikuwa wakielekea eneo la Sotik kwa ajili ya mkutano wa usalama. Saitoti ambaye alikuwa ni moja wa mawaziri wa Serikali ya rais Mwai Kibaki, aliwahi pia kuwa makamu wa rais kati ya mwaka 1976 na 1979 na alitangaza nia ya kugombea urais katika kinyang'anyiro cha uchaguzi mkuu akiwa ni moja ya wanasiasa wakongwe na wanaoheshimika nchini humo.
 Mashuhuda wa ajali hiyo wamesema  waliiona helikopta hiyo ikiyumba kabla ya kuanguka na kushika moto, ambapo watu wa Msalaba mwekundu wamesema miili ya marehemu hao imeungua vibaya kiasi cha kutotambulika. Baada ya ajali hiyo polisi walilizingira eneo hilo na mmoja wa makasmishna alihidi kuwa Wangetoa taarifa kamili baadaye.

Saitoti atakumbukwa kwa kuiongoza Kenya katika vita dhidi ya kundi la Kigaidi la Al Shabaab la Somalia, kupinga rushwa na ubaguzi wa kidini na kikabila ambapo mara kadhaa aliwasihi Wakenya kutomchagua mtu kwa msingi wa rushwa , dini au Ukabila.

Rais wa Kenya Mwai Kibaki ametoa taarifa yake ambapo amesema vifo hivyo ni msiba mkubwa kwa taifa, ambapo kwa niaba ya serikali na watu wa Kenya ametuma salamu za rambirambi kwa familia, marafiki na ndugu wa marehemu. Rais Kibaki  amesema Saitoti atakumbukwa milele kutokana na uchapaji kazi wake na kujitolea muda wake wote katika kuhudumia watu wa Kenya.
ANGA ZA KIMATAIFA Inaungana na Familia za marehemu na Wananchi wote wa Kenya kuomboleza kipindi hiki kigumu, Mwenyezi Mungu azilaze Roho za Marehemu Mahali Pema Peponi, AMEN.

MOVEMENT FOR CHEANGE (M4C) YA CHADEMA MOTO!

M4C ya Chadema yaendelezwa Mtwara leo

 

Sehemu ya maelfu ya wananchi wa mji wa Mtwara na vitongoji vyake, wakiwasikiliza viongozi wa Chama cha Demokrasia na Maendeleo (CHADEMA), katika mkutano wa hadhara wa M4C (Movement For Change), uliofanyika kwenye Uwanja wa Mashujaa. (Picha na Joseph Senga via Francis Dande)

Aliyekuwa Mbunge wa Arusha Mjini Godbles Lema, ambaye pia ni Mjumbe wa Kamati Kuu ya CHADEMA, akihutubia katika mkutano wa hadhara wa M4C, kwenye Uwanja wa Mashujaa mjini Mtwara, leo. (Picha na Joseph Senga via Francis Dande)

 LINDI/MTWARA,
Vuguvugu la  mabadiliko (Movement for change) inayoendelea nchi nzima imeonekana kuvuta usikivu na umati mkubwa wa wananchi ambao wameendelea kujitokeza katika mikutano inayoendeshwa na chama hicho.
Vuguvugu hili ambalo kwa sasa lipo katika mikoa ya Kusini ya Lindi na Mtwara limeonekana kuvuta idadi kubwa ya watu huku Viongozi wa chama hicho wakiongozwa na mwenyekiti wao Dk Willibrod Slaa pia aliyekuwa mbunge wa Arush Godbless Lema limekuwa na mada kali zinazotolewa katika mikutano hiyo ya hadhara.

Baadhi ya mambo yanayogusa vichwa vya mikutano hiyo ni pamoja na Ufisadi, Umasikini, utendaji wa chama tawala na utendaji mbovu wa viongozi wa nchi.

Akiogea katika mkutano wa hapo jana mbunge wa jimbo la Iringa mjini Mchungaji Peter Msigwa hapo jana Alisema anashangaa kwa nini mawaziri wanaotoka katika mikoa hiyo wanakikumbatia chama tawala ilhali kimeshindwa kuwaletea wananchi mabadiliko, "Mimi ninawashangaa   wabunge wa majimbo ya Lindi na Mtwara wakiwamo (akiwataja kwa majina)   kwa nini wanakiunga mkono CCM wakati majimbo yao yamekithiri kwa umaskini,”

Mbunge wa Mbeya mjini Joseph Mbilinyi alisema wakati umefika kwa vijana kubadilika na kuhamia katika chama hicho huku akitoa mifano hai yenye kuonesha kinawajali watu wa hali ya chini ikiwemo uwezo wa yeye mtu wa hali ya chini kupata nafasi ya kugombea ubunge hali ambayo alisema huwezi kuikuta katika chama tawala.“Nawasihi vijana wenzagu kuungana na kuwa na ujasiri wa kuamua katika masuala ya kimaendeleo. Mimi nilikuwa mitaani na muziki wangu, lakini nikatokea Chadema na kunipa nafasi ya kugombea ubunge"

 Wakati huho huo Chama cha mapinduzi(CCM) ambacho ndiyo majeruhi mkubwa wa vuguvugu hilo leo kinatarajiwa kufanya mkutano wake wa hadhara katika eneo la Jangwani Jijini Dar es Salaam. Kwa mujibu wa taaarifa kutoka ndani ya Chama hicho kupitia kwa Katibu wa Siasa na Uenezi wa mkoa huo, Juma Simba mkutano huo utahusu msimamo wa Chama hicho juu ya hatma ya maisha ya Watanzania, “Utaeleza hatma ya maisha ya Watanzania katika suala la ajira, miundombinu ya barabara, reli, bandari na anga, bei za bidhaa mbalimbali, umeme na rasilimali za taifa,” alisema Simba.

MWAKYEMBE AMTIMUA KAIMU MKURUGENZI ATCL.

DAR ES SALAAM, TANZANIA.

Waziri wa Uchukuzi wa Tanzania Dr.Arison Mwakyembe aetengua uteuzi wa Kaimu mkurugenzi wa Shirika la ndege la Tanzania(ATCL) bw Paul Chizi na kuwasimamisha kazi wakurugenzi wanne kwa kukiuka sheria taratibu na kanuni za utumishi wa umma.
 Katika taarifa iliyotolewa na Katibu mkuu wa wizara hiyo Bw.Omary Chambo kwawaandishi wa habari, Waziri huyo amefikia uamuzi huo kutokana nauteuzi wa Kaimu mkurugenzi huyo kutofuata utaratibu,   “Uteuzi wake haukufuata sheria, kanuni na taratibu za utumishi wa umma, hivyo kupitia Sheria Na 8 ya mwaka 2002 na kanuni ya Utumishi wa Umma ya mwaka 2003 Na 17(4), Dk Mwakyembe ametengua uteuzi huo kuanzia jana.” alisema katibu Mkuu huyo.
Kutokana na utenguzi huo Waziri mwakyembe amemteua Kapteni Lusajo Lazaro kuwa kukaimu nafasi hiyo.

Waziri huyo pia amewasimamisha wakurugenzi wengine wanne ambao ni  Kaimu Mkurugenzi wa Fedha, Justus Bashara, Kaimu Mkurugenzi wa Uhandisi, John Ringo, Kaimu Mkurugenzi wa Biashara, Josephat Kagirwana Mwanasheria wa ATCL, Amini Mziray. .

Kwa mujibu wa katibuhuyo pia itaundwa tume maalum kuchunguza matumizi ya fedha kuanzia mwezi Mei mwaka huu.

SUDAN YA KUSINI YAPOKWA DOLA BILIONI 4-Rais Kiir azitaka zirudishwe.

Sudan Kusini, 

Rais Salva Kiir

 Zaidi ya dola bilioni 4 (sawa na zaidi ya Trilioni 6 za kitanzania) Zimeibiwa kutoka Serikali ya Sudan ya Kusini kutokana na ufisadi imebainika. Ufisadi huo umewahusisha viongozi 75 wa ngazi ya juu wakiwemo mawaziri na viongozi wengine wa serikali. Fedha hizo ni pamoja na zaidi yadola bilioni 2 zilizopotea kutokana na ufisadi katika mauzo ya zao la mtama na nyingine katika mafuta.

Rais wa Sudan Bw. Salva Kiir amewaandikia barua wakuu hao akiwataka kuzirudisha fedha hizo ama sivyo watakutana na mkono mkali wa sheria.Kupitia barua alizowaandikia wakuu hao Rais huyo ameonekana kuudhika sana na kitendo hicho akiwaambia wakuu hao waliweka maslahi ya o mbele zaidi ya taifa'

"Raia wa Sudan Kusini wanapata taabu lakini viongozi hawa wanafikiria tu tamaa zao binafsi" alisema Rais Kiir katika barua hiyo.
Rais Kiir amesema sehemu kubwa ya fedha hizo imewekwa kwenye akaunti zilizo nchi za kigeni  na nyingine kununua mali au majengo katika nchi hizo.

Sudan ya Kusini ambayo ilijitenga naSudan Kaskazini nakuwa taifa huru mnamo mwezi Julai mwaka Jana inategemea mafuta kwa asilimia 98 ya kipato chake ambapo kwa sasa imesimamisha uzalishaji wa mafuta hayo kutokana na mgogorio wake na Sudanya Kaskazini nahivyo kuwa na hali ngumu katika kutoa huduma za kijamii.

SYRIA YARUHUSU MASHIRIKA YAKUTOA MISAADA.

 hatimayeserikali ya Syria imesalimu amri na kuyaruhusu mashirika ya kutoa misaada kuanza shughuli zao katika mikoa minne ya  Homs, Idlib, Deraa na Deir al-Zour iliyopatwa na mapigano makubwa kati ya majeshi ya Serikali na Waasi.

Kwa mujibu wa Umoja Wa mataifa  serikali ya Syria imekubali kuyaruhusu mashirika ya kutoa misaada kufanya kazi katika mikoa hiyo. Afisa mmoja wa Umoja huo amesema kuwa serikali ya Syria imekubali kwa maandishi kuwaachia wafanya kazi wa kutoa misaada pamoja na magari yenye vyakula na misaaada mingine kuingia. ndani ya mikoa hiyo.
Afisa huyo alisema kuwa suala hilo litakuwa ni kipimo kikubwa cha Syria kwa jumuiya ya kimataifa kama ina nia nzuri na wananchi wake.

RAIS WA NIGERIA ATEMBELEA ENEO LA AJALI YA NDEGE.

Rais wa Nigeria, Goodluck Jonathan

LAGOS, NIGERIA

Rais wa Nigeria Goodluck Jonathan amehahidi kuwa serikali yake itaimarisha usafiri wa anga baada ya hapo jana watu  153 kufariki baada ya ndege ya shirika la Dana abiria kuanguka nchini humo.

Rais Jonathan ametoa ahadi hiyo  wakati alipolitembelea eneo la kitongoji cha mji wa Lagos, ambako ndege ya abiria ya shirika la Dana ilianguka jana na kuwaua abiria wote 153 waliokuwemo katika ndege hiyo.
"Tumekuwa tukijizatiti kuboresha sekta ya usafiri wa ndege hapa nchini. Ajali hii ni pigo kubwa kwetu na nitahakikisha ajali kama hii haitokei tena humu nchini,"alinukuliwa rais huyo baada ya kushuhudia ajali hiyo.


Uchunguzi wakwama;
Kwa mujibu wa taarifa ya mwandishi wa habari wa shirika la AFP, polisi walilazimika kutumia vitoa machozi wakati watu takriban 2,000 walipojaribu kuingia eneo lililofungwa na polisi wakitaka kushuhudia athari za ajali hiyo na hivyo kutatiza uchunguzi.
hadi leo  waokoaji wamefaulu kutoa maiti zisizopungua 62 kutoka kwa mabaki ya ndege hiyo. Kanisa, jengo la makazi ya watu la ghorofa mbili na duka la huduma za uchapishaji liliharibiwa vibaya katika eneo la ajali.  Moshi bado unafuka katika eneo la ajali na wafanyakazi wa zimamotowamekuwa wakiendelea na juhudi za kuuzima moto unaoendelea kuwaka kwenye mabaki ya ndege hiyo.
Solomon Omotayo ni miongoni mwa mashuhuda wa ajali hiyo ya  ndege  ikipoteza muelekeo muda mfupi kabla kuanguka katika kitongoji cha Iju jijini Lagos. "Tulipoiona, ilkuwa chini mno! Dakika kama mbili baadaye tukasikia mlio. Tuliufuata moshi hadi hapa. Maafisa waliondoa maiti lakini sijui ni ngapi. Ni hasara kubwa na maiti nyingi zingali zimefunikwa."alisema Solomon.

Kipanya na Muungano!

MBWANA SAMATA AFUATILIWA NA MAN CITY.

 ABDJAN.IVORY ,COAST

Mpelelezi wa vipaji wa timu ya Manchester City Joe Mulberry  ya Uingereza alikuwepo nchini Ivory Coast kuangalia vipaji vya wachezaji wa Afrika magharibi naKumfuatilia mchezaji wa Taifa Stars anayecheza Nchini Kongo katika klabu ya TP MazembeMbwana Samata.
Mpelelezi huyo alipanga hoteli moja na Taifa Stars na kuangalia mechi yake na Ivory Coast kwa mujibu wa vyanzo vya habari. Ingawa mwanzoni alifanya siri suala hilo baadaye baada ya kubanwa na mwandishi wa habari Edo Kumwembe alikiri na kusema anamchuguza Samata kuangalia maendeleo yake huku akionesha kuwa na rekodi kamili ya mchezaji huyo kutokana kuwa na taarifa lukuki za mchezaji huyo ikiwemo magoli 2 aliyoyafunga katika ligi ya Klabu bingwa Afrika.

Hata Hivyo mpepelezi huyo alisema licha ya Mbwana kuwa mchezaji mzuri bado atahitaji kutafutiwa ligi nyingine za Ulaya kabla ya kucheza ligi kuu ya uingereza ili kukomaa na kuweza kuhimili mikiki mikiki ya ligi hiyo maarufu duniani.




MPELELEZI wa vipaji vya soka toka klabu tajiri England, Manchester City, Joe Mulberry alitua kwa siri mjini Abidjan na kupiga kambi kwenye hoteli ya Ibis Plateau, ambayo pia Timu ya Taifa ya Tanzania (Taifa Stars) ilifikia na lengo lilikuwa moja tu kuwachunguza wachezaji wa timu hiyo, Mwananchi limebaini.
Mulberry, raia wa Uingereza mwenye jukumu la kuchunguza vipaji kwa nchi za Afrika Magharibi, alifanya kazi ya kuipeleleza Stars bila kutaka mtu yeyote kufahamu kabla ya mwandishi wa habari hizi kumbaini.
Awali, Mulberry aliyeweka makazi yake nchini Ghana alipanga kwenye chumba namba 604 cha hoteli ya Ibis Plateau.
Baada ya gazeti hili kupata fursa ya kuongea naye muda mrefu, lilimbaini na ndipo naye alipomfichua siri kwamba alikuja Abidjan kwa ajili ya kuangalia pambano la Stars dhidi ya Ivory Coast.
Kwa mujibu wa uchunguzi wake wa haraka, Mulberry alivutiwa na kipaji cha mshambuliaji Mbwana Samata na cha kushangaza katika kipindi kifupi tayari alikuwa amekusanya habari zote za Samata.
Miongoni mwa dodoso muhimu alizokusanya ni pamoja na mabao mawili aliyofunga wakati wa mchezo wa Ligi ya Mabingwa wa Afrika dhidi ya Dynamo ya Zambia na El Merreikh ya Sudan akiwa na timu yake ya TP Mazembe ya Jamhuri ya Kidemokrasia ya Kongo.
Mulberry alikiri Samata alikuwa na kipaji kikubwa lakini akataka amuone zaidi siku za usoni kujua kama alikuwa na uwezo mkubwa wa kufunga kama ilivyo katika kuuchezea mpira.
“Nitasafiri kwenda Ghana kumtazama kwa ajili ya pambano la ligi ya mabingwa kati ya Berekum Chelsea dhidi ya TP Mazembe pale Accra, Julai 5. Kama atakuwa yuko safi tena nitajaribu kuzungumza na timu yake.”
Hata hivyo, Mulberry alisema Samata hawezi kucheza katika Ligi Kuu ya England kwa sasa na badala yake anaweza kupelekwa katika ligi nyingine kabla ya kupata uzoefu wa kucheza ligi kubwa Ulaya. 

VIPEPERUSHI VYA UTENGANO UNGUJA NA PEMBA VYASAMBAZWA ZANZIBAR-Mwanzo wa Mpasuko Mwingine?

Takribani miaka 17 tangu baba wa taifa hayati Mwalimu Julius kambarage Nyerere aionye Tanzania juu ya ubaguzi, 'maono' yake yameanza kutimia baada ya kusambazwa kwa vipeperushi vinavyowataka wananchi wenye asili ya Pemba kuondoka Unguja siku chache baada ya Jumuiya ya Uamsho Mihadhara ya Kiislamu (Jumiki) kuukataa muungano wa Tanzania na kutaka Zanzibar ijitenge na Tanzania bara(Zamani Tanganyika). Vipeperushi hivyo vinavyosambaza na kundi lililojitambulisha kama 'Watu wa Unguja' limetoa tahadhari kwa watu wa Pemba kuondoka Unguja huku likiwatuumu kwa kuchochea vurugu na kuanyang'anya ardhi yao.

Kundi hilo pia katika vipeperushi hivyo limeushutumu Jumuiya ya Uamsho Mihadhara ya Kiislamu (Jumiki) kuwa ni kundi la kisiasa linalojitokeza kama kundi la dini.
“Watu wa Unguja tunatoa ujumbe mahususi kwa Rais wa Jamhuri ya Muungano wa Tanzania Jakaya Kikwete…. Tumechoka kuishi na Wapemba katika kisiwa chetu cha Unguja, kwani ni watu wasio na fadhila ya aina yoyote ile,” isehemu ya kipeperushi hicho inasema na kuendelea;
“Hivyo, tunakuomba ufanye mazungumzo na Rais wa Zanzibar ili Wapemba wapewe kisiwa chao cha Pemba.”

Vipeperushi hivyo pia vimewatuhumu wapemba kuwa na asili ya Msumbiji na kutaka Pemba iondolewe katika Muungano na Tanganyika irudishwe na kufanya Muungano na Unguja kwani wanaochochea vurugu hizo ni watu kutoka Pemba. huku kikiwataja baadhi ya viongozi kwa majina.

 Tamko la Jumki:

Kwa upande wake  Jumuiya ya Uamsho Mihadhara ya Kiislamu (Jumiki) imepuuzia vipeperushi hivyo na kuviita havina maana, msemaji wa kundi la Jumki Sheikh Farid amesema kundi la Jumki lliundwa na watu wa Unguja na Pemba kwa nia ya kusambaza dini na kuongeza kuwa dini ya kiislamu inaruhusu waumini wake kushiriki katika siasa, “Katiba ya Zanzibar inasema kuwa kila mtu ana haki ya kushiriki kwenye uongozi wa nchi. Hata Mtume Muhammad (S.AW), alikuwa ni rais wa eneo lake na alikuwa kiongozi wa dini… Siasa ni neno la Kiarabu likiwa na maana ya uongozi na uongozi una mambo mengi. Kwa hiyo tuna haki kabisa ya kushiriki siasa,” alisema Sheikh Farid.

Uzushi?: 

Wakitoa maoni yao katika baadhi ya mitandao ikiwemo Facebook na jamii Forum wananchi wenye asili ya Zanzibar wamekuwa na mitazamo tofaouti ambapo wapo waliowatuhumu  watu wa bara kuwa ndio wenye kueneza Propaganda hizo zenye chuki huku wakidai kuwa wo ni wamoja na wanataka zanzibar huru, huku wengine wakiunga mkono hoja ya kundi la 'watu wa Unguja'.

LOWASSA AWASHUKIA MAADUI WAKE.

ARUSHA, TANZANIA

Waziri mkuu aliyejiuzulu, Edward Lowasa  amewashukia maadui zake anaodai wanamchafua kisiasa na kuwaambia kuwa hawamnyimi usingizi na yeye anamtumainia Mungu.

Lowassa aeyasema hayo katika harambee ya Kanisa la Kiinjili la Kilutheri (KKKT) usharika wa Elaira mkoani Arusha ambapo alikuwa moja ya wageni waalikwa.
Bila kuwataja maadui hao Lowassa alisema kuna baadhi ya watu wantumia vyombo vya habari kumchafua kisiasa lakini hawamnyimi usingizi.

“Nakushukuru Baba Askofu kwa kunijibia, wale wote wanaonisemasema kwenye magazeti wala hawanisumbui na wala hawaninyimi usingizi,” alisema Lowasa akiunga mkono kauli ya Askofu wa Dayosisi ya Kaskazini Kati, Thomas Laizer aliyemtaka kuendelea kufanya kazi ya Mungu licha ya baadhi ya watu kumkatisha tamaa.iongezaAlisema anamtumainia Mungu na wala hawaogopi maadui zake.

TAIFA STARS YAONDOKA-Boban, masoud waachwa.

 

Timu ya Taifa ya soka ya Tanzania 'Taifa Stars imeondoka hapo janakuelekea Abdjan Ivory coast kwa  mchezo wake wa kuwania tiketi ya kucheza fainali zijazo za Kombe la Dunia zitakazofanyika mwaka 2014 nchini Brazil  dhidi ya Ivory Coast huku ikiwaacha Kiungo Haruna Moshi 'Boban' na beki, Nassor Masoud waliomajeruhi na hivyo kufikisha jumla ya majeruhi wanne walioachwa baada ya Thomas Ulimwengu na kiungo, Nurdin Bakari.

Katibu Mkuu wa shirikisho la soka la Tanzania Anjetile Osiah aliwaamia waandishi wa habari kuwa wachezaji hao wamebakizwa kutokana na  kuwa wagonjwa.

Hata hivyo timu hiyo ililazimika kusota kwa muda wa masaa matano katika Uwanja wa Jomo Kenyata nchini Kenya baada ya ndege waliotarajia kusafiri nyao kubadilishwa na hivyo kufika  Ivory coast mishale ya saa 3:00 usiku badala ya mcahana kama walivyotarajiwa,  ingawa kocha mkuu wa timu hiyo Kim Poulsen  alisema hali hiyo haitaathiri timu yake amayo imeshajiandaa vizuri kutoka nyumb

Mara baada ya mechi hiyo  Taifa Stars itarejea nchiniJuni 5 na kwa  maandalizi ya kuikabili Gambia ambayo itakuwa mgeni wao Juni 10 kwenye Uwanja wa Taifa jijini Dar es Salaam.

Kila la Kheri Taifa Stars katika kuipeperusha bendera ya Taifa Letu!

SHEIN AZUNGUMZIA VURUGU ZANZIBAR.

Rais wa Zanzibar, Dk Ali Mohamed Shein akizungumza katika mkutano na wahariri na waandishi wa vyombo vya habari nchini uliofanyika Ikulu, kisiwani Unguja, jana. Picha na Edwin Mjwahuzi

BAADA ya kuwa kimya tangu kutokea machafuko Tanzania Visiwani takriban wiki moja iliyopita, Rais wa Zanzibar Dk Ali Mohamed Shein, amejitokeza kuyazungumzia kwa kuonya kwamba, Serikali yake haitavumulia watakaovunja amani huku akiahidi kuimarisha ulinzi kwa wananchi wake.

Kwa siku takriban nne tangu Jumamosi ya wiki iliyopita, visiwa vya Zanzibar viligubikwa na hali tete kiusalama baada ya kuwapo matukio ya uchomaji moto makanisa yanayodaiwa kufanywa na wafuasi wa Jumuiaya Uamsho na Mihadhara ya Kiislam (JUMIK), ikitaka visiwa hivyo viwe dola huru.

Hatua hiyo ya Rais Shein kujitokeza jana pia imekuja ikiwa ni siku moja tangu jopo la viongozi wa dini ya Kikristo kutoa tamko kali kwa Serikali, wakiitaka iwajibike kwa uharibifu huo uliodumu tangu mwaka 2001.

Jana, akizungumza  na waandishi wa habari Ikulu ya Zanzibar, Dk Shein alisema amesikitishwa na matukio hayo ya Mei 26.

“Mei 26 hapa Zanzibar kulitokea vitendo vya kuvunja amani. Tumeshuhudia maandamano yenye sura ya kidini na jumbe za kisiasa. Mahubiri haya ndiyo yaliyokuwa chachu ya yote haya yaliyotokea,” alisema Dk Shein na kuongeza:

“Jumuiya hizi hazikujali sheria wala utamaduni wa Mzanzibari. Badala yake wakachoma moto majengo, mali na makanisa ya ndugu zetu wakristo na kutoa kauli zilizosababisha hofu kwa wananchi. Nashangaa kuchoma moto makanisa na kuiba mali kuna uhusiano gani na Muungano?,” alihoji Dk Shein.

Akieleza jitihada za Serikali katika kudhibiti hali hiyo, Dk Shein alisema walishabaini kutokea kwa hali hiyo mapema ndiyo maana yeye  kama Rais alifanya ziara katika visiwa vya Pemba na Unguja akiwaonya wananchi kujihadhari na uvunjifu wa amani.
“Mei 10 nilifanya ziara Unguja na Pemba nikawatahadharisha sana kuhusu kuvunjika kwa amani na kwamba, Serikiali haitavumilia mtu yoyote atakayevunja amani. Hilo lilikuwa onyo.”alisema.

Aliongeza kuwa kuna kamati ya Serikali iliyokutana na viongozi wa dini ili kusikiliza malalamiko yao na kwamba, hata Jeshi la Polisi limefanya kazi nzuri ya kurejesha amani katika hali yake.

Licha ya kutoa pole kwa wote walioathiriwa na vurugu hizo, Dk Shein alisema Serikali inafanya tathmini ya uharibifu uliojitokeza ili kuchukua hatua.

Dk Shein alifafanua kwamba, Seriklali yake haitaingilia shughuli za kidini isipokuwa kwa wale wanaotumia majukwaa ya dini kuhubiri siasa.

Rais Shein aliongeza kwamba  vurugu hizo zimeathiri Sekta ya Utalii inayotegemewa kwa asilimia 60 na Wazanzibari hivyo, akawataka wananchi wote kujihadhari ili kulinda uchumi wa nchi.

Katiba na Muungano
Kuhusu mchakato wa mabadiliko ya Katiba, Dk Shein alisema ameshiriki kikamilifu kuiunda Tume ya Katiba kwa kushauriana na Rais Jakaya Kikwete ambaye walikubaliana kuteua na kuweka viongozi wa Tume hiyo na kutaka wananchi kuisubuiri ili wakatoe maoni yao.

“Hii ni nafasi nzuri kwa Wazanzibari kutoa maoni yao ili tupate Katiba mpya. Hakuna kutishana wala chochote, kila mtu apate fursa ya kutoa maoni yake,” alisema na kuongeza:,

“Tusubiri wakati wa kutoa maoni, ni kweli Katiba imeruhusu uhuru wa maoni, lakini siyo kusema tu, tufuate utaratibu. Kwa sababu hata ukitoa maoni yako kwa sasa hayataandikwa wala kufanyiwa kazi.”

Wakati kundi la uamsho na makundi mengine visiwani humo wakiupinga Muungano waziwazi, Rais Shein alisema Serikali yake imekuwa ikifanya mazungumzo ya Muungano na upande wa bara kupitia Kamati ya watu sita iliyopo chini ya Ofisi ya Makamu wa Rais ambayo hujadili kero za muungano.

Alitaja vikao vitano ambavyo tayari vimeshafanywa na kamati hiyo ikihusisha viongozi wa Serikali kuwa ni pamoja na vinne vya Sekretarieti,  sita vya Kamati ya Utendaji,  vinne vya Makatibu Wakuu, vitatu vya Mapendekezo na kikao cha Waziri Mkuu na Rais wa Zanzibar, kilichofanyika Januari mwaka huu.

Katika vikao hivyo, alisema kuna mambo 12 ambayo yamekuwa yakijadiliwa hadi sasa ambayo ni pamoja na utafutaji na uchimbaji wa mafuta, ushiriki wa Zanzibar katika Jumuiya ya Afrika Mashariki (EAC), Uvuvi katika Bahari Kuu na Ushirikiano na Taasisi za Nje.
Mengine ni ajira kwa Wazanzibari katika Serikali ya Muungano, uwezo wa Zanzibar kukopa nje, Kodi ya Mapato, Usajili wa vyombo vya Usafiri vya barabarani, ongezeko la gharama za umeme, Uharamia na Utekaji nyara Baharini, Mfuko wa Maendeleo ya Jimbo na Utekelezaji wa Masuala ya Muungano.
“Kutokana na jitihada hizo naamini kabisa tutamaliza kero za Muungano na kuelekea kwenye katiba,” alisema Dk Shein.

Kiongozi JUMIKI afichua siri
Katika hatua nyingine, mmoja wa wasemaji wakuu wa Kikundi cha Mihadhara ya Kiislamu cha JUMIKI,  Sheikh Faridi Hadi Ahmed ametoa siri ya kikundi hicho akisema kuwa chanzo cha harakati zao ni baada ya Serikali ya Muungano kuleta Sheria ya Katiba inayowabagua Wazanzibari.

Akizungumza katika mahojiano maalumu na Mwananchi nyumbani kwake Darajani Zanzibar, Sheikh Ahmed ambaye pia ni Mwenyekiti wa Jumuiya ya Maimamu Zanzibar, alisema hata viongozi wa Serikali waliukataa Muswada wa Sheria ya Katiba, lakini, Serikali ya Muungano ikalazimisha ndiyo maana wao wameingia ili kuipinga.

“Vuguvugu la kupinga Muungano lilianza wakati wa Muswada wa Katiba ambao Serikali iliuleta. Serikali iliukataa na hata sisi Jumuiya za Kiislam tuliukataa, ilikuwa waurekebishe kisha waulete tena tuujadili, lakini wakauleta hivyo hivyo,” alisema Sheikh Ahmed na kuongeza:,

“Sheria hiyo ina upungufu mwingi. Kwa mfano, Kifungu cha Tisa kinazuia kujadili Muungano. Hata Rais alipozindua Tume ya Katiba alizuia kujadili uwepo wa Muungano. Sasa wanataka sisi tujadili nini?”

Sheikh Ahmed ambaye juzi alifikishwa  mahakamani Zanzibar akituhumiwa kuandamana bila kuwa na kibali, aliongeza kuwa Katiba ya Muungano na ya Zanzibar zimejaa utata kuhusu Muungano na hilo ndiyo wanalopigania."

“Katiba ya Muungano inasema Tanzania ni nchi moja, wakati Katiba ya Zanzibar inasema Zanzibar ni nchi. Sasa hapo tuelewe lipi? Halafu viongozi wetu hawasikilizi wananchi wanavyosema, hawasikilizi hata CD za mafundisho yetu? Kwanini Muungano usijadiliwe kwanza, kwa nini tuzuiwe?,” alihoji.

Amelilalamikia pia Jeshi la Polisi akisema  limeshiriki kuwatesa Waislam huku akiongeza kwamba hata yeye aliwahi kukamatwa na kuteswa na jeshi hilo mwaka 2004.

Sheikh Ahmed ambaye mwaka jana alichana nakala ya Muswada wa Katiba mbele ya Waziri wa Ushirikiano wa Afrika Mashariki, Samuel Sitta, ametetea ushiriki wa viongozi wa dini katika masuala ya siasa akisema hata Nyerere alikuwa hivyo.

“Kama Wakristo hawaruhusiwi kushiriki siasa ni kwa sababu dini yao inawaambia ya Kaisari mpe kaisari na ya Mungu mpe Mungu. Kwa Waislam hiyo haipo, Uislamu ni mfumo mzima wa maisha. Siasa ni neno la Kiarabu likimaanisha uongozi. Uongozi katika mambo yote.”

Akizungumzia suala la uchomaji wa makanisa wakati wa vurugu kama wanavyolalamikiwa, Sheikh Ahmed alikanusha madai hayo ila akaonya kuwa wakichokozwa watalipa kisasi.

“Mahubiri yetu hayachochei vurugu, ila tunasema yeyote atakayetuonea hatutakaa kimya,” alionya  na kuongeza:,

Kuhusu maisha yake wakati wa vurugu, alisema, "Ni kweli siku tatu za vurugu mimi sikulala nyumbani, ila sitaji nilipokuwa nikilala…nachukua tahadhari, unajua sisi hatuna jeshi wala silaha, ila linaloandikwa likufike litakufika tu. Heri mimi nife nikiwa jasiri kuliko kuacha taifa langu likiangamia.”