JENERALI NTAGANDA ATEKA MIJI MIWILI DRC CONGO.

DRC-CONGO,Vikosi vinavyomtii Bosco Ntaganda, anayetafutwa na ICC vimeteka miji miwili ya mashariki mwa DRC.

Mwandishi wa BBC katika eneohiloanasema maelfu ya watu wanakimbiamapigano makali na kuelekea karibu na mjini Goma.

Mamia ya askari wenye silaha nzito wanaomtii Jenerali Ntaganda hivi karibuni walijitenga kutoka jeshi la nchi hiyo.
Akiwa anafahamikakama‘Terminator,’ Jenerali Ntaganda ameklanusha tuhuma za ICC kuwa aliwasajili watoto kuwa askari.


Mwandishi wa BBC Thomas Hubert akiwa Sake, kilometa 30 (18 maili) magharibi mwa Goma, anasema wakazi wamemwambia wamesikia mapigano kati ya vikosi vya Jenerali Ntaganda na vikosi vya serikali yakiendelea Jumapili usiku.
Askari wa serikali walirudishwa nyuma na kuondolewa katika miji ya Mushake na Karuba, mwandishi wetu anasema, na wamerudi nyuma kwa kilometa 12 mashariki mwa mji wa Sake, ambako wanajikusanya kupambana naye.
Askari hao waasi walikimbia jeshi la Congo lenye ngome yake Goma mapema mwezi huu, idadi kati ya 400-500, kwa mujibu wa vyanzo vya UN na Majeshi ya DRC.

‘NTAGANDA NI NANI?’

• Alizaliwa mwaka 1973 nchini Rwanda
• Alikimbilia DR Congo akiwa kijana baada ya mashambulizi dhidi ya kabila la Watutsi
• Akiwa na miaka 17, anaanza siku za mapigano –akibadilisha kati ya waasi na askari, kote Rwanda na DR Congo
• Akawachezaji wa kujitoa wa tennis
• Mwaka 2006, alishtakiwa ICC kwa tuhuma za kusajili watoto kuwa askari.
• Ni kiongozi wa vikosi vilivyofanya mauaji ya Kiwanji mwaka 2008
• Mwaka 2009, anaujiunga na jeshi la Taifa la DRC na kuwa jenerali.
• Mwaka 2012, anaasi jeshi na kujitenga.

Katika mapigano mengine katika eneo la kaskazini la Kivu ya kaskazini kati ya majimbo ya Mweso na Kitchanga, maafisa wa jeshi laCongowalimweleza mwandishi wa BBC kuwa wamesimamisha shughuli za watu wa Jenerali Ntaganda.
Kati ya mwaka 2002-2005, Jenerali Ntaganda alikuwa mkuu wa harakai za kijeshi wa waasi wa UCP wakiongozwa na mbabe wa kivita Thomas Lubanga – ambaye mwezi Machi alikuwa wa kwanza kukutwa na hatia na mahakama ya ICC baada ya kukutwa na hatia ya kusajili watoto kuwa aksari.
Jen Ntaganda mtuhumiwa mwenza – lakini Rais Joseph Kabila awali alikataa kukamatwa kwake kwa ajili ya amani ya DRC.
Rais mapema mwezi huu alitoa wito wa kukamatwa kwake lakini anasema hatampeleka ICC.
Licha ya kumalizika kwa vita vya DRC mwaka 2003, makundi kadhaa yenye silaha bado yanazunguka katika eneo lenye utajiri mkubwa wa madini mashariki mwa nchi lichaya UN na jeshi la nchi hiyo kuwanyang’anya silaha.(Habari kwa hisani ya BBC)

SIKUKUU YA WAFANYAKAZI DUNIANI( MEI MOSI)-KIKWETE AWASILI TANGA, KUWA MGENI RASMI.

RAIS KIKWETE AKIWASILI MKOANI TANGA KWA AJILI YA SIKUKUU ZA WAFANYAKAZI.

RAIS KIKWETE AKIPOKEWA NA MWENYEJI WAKE KATIBU WA SHIRIKISHO LA VYAMA VYA WAFANYAKAZI(TUCTA) NDUGU NICHOLAUS MGAYA.(Picha zote kwa hisani ya LUKAZA Blog)

HATIMA YA KUVUNJWA KWA BARAZA LA MAWAZIRI TANZANIA-MAWAZIRI WAGEUKA MABUBU.

Dar Es Salaam-Tanzania.

Siku chache baada ya kamati  kuu ya chama cha mapinduzi (CCM) kubariki kuchukuliwa hatua kwa mawaziri waliohusishwa na kashfa mbalimbali za kushindwa kuwajibika na matumizi mabaya ya mali za umma, mawaziri wanaoshinikizwa kujiuzulu wamegoma kutoa matamko yao huku wakisema kuwa hatima yao ipo mikononi mwa rais na wengine wakisema wao hawawajibiki kwa kamati hiyo ya chama.

Waziri wa fedha Mustafa Mkulo amenukuliwa na gazeti moja linalotoka kila siku akisema hana la kusema ingawa amedai pi hawajiki kwa kamati ya chama hicho ila serikali, huku mawaziri Maige, Omary Nundu, Nyalandu na George Mkuchika wao hawakuwa tayari kuongea kwa madai hawana la kusema.

Mawaziri hao wamekaa kimya bila kuonekana kama wanania ya kujiuzulu licha ya mashinikizo yote hayo huku wakisisitiza kuwa wao ni watu safi wasio na tuhuma.

CHARLES TAILOR ANAHATIA-MAHAKAMA.

Mahakama ya kimataifa ya makosa ya Jinai iliyoundwa maalum na umoja wa matifa kwa ajili ya kushughulikia makosa ya uhalifu wa kivita kwa kuwapa silaha waasi wa Sierra Leone kwa malipo ya almasi katika vita vya wenyewe kwa wenyewe nchini humo rais wa zamani wa Liberia Charles Taylor  . Hii ni mara ya kwanza kwa mahakama hiyo maalum iliyoundwa na Umoja wa Mataifa kwa ajili ya Sierra Leone kutoa hukumu hiyo.

Jaji Richard Lussick aliyekuwa akisimamia jopo la majaji alisema mahakamani "Mahakama imemkuta na hatia ya kusaidia na kuchochea uhalifu wote huu," akiongeza kuwa Taylor atahukumia adhabu Mei 30.
Taylor, mwenye umri wa miaka 64, alikutwa na hatia ya kusaidia waasi wa Sierra Leone kuendesha kampeni ya uhalifu dhidi ya watu nchi hiyo wakati wa miaka 10 ya vita vya wenyewe kwa wenyewe vilivyouwa watu wapatao laki moja ya elfu 20.

Taylor alilipwa na waasi hao kwa madini ya alhamisi yaliyokuwa yakichimbwa kinyume cha sheria na waasi wa kundi la Revolutionary United Front (RUF) ambao walijulikana kwa mauaji, ubakaji na kukata watu mikono au miguu kwa mapanga.
Taylor alisafirishwa kutoka Freetown kwenda katika mahakama hiyo maalum nje kidogo ya the Hague mwaka 2006 katika kesi ambayo ilikuwa na mashahidi kama vile mwanamitindo wa kimataifa Naomi Campbell na mcheza sinema Mia Farrow kutoka Marekani.(VOA)

MANCHESTER CITY WAIBWAGA MAN U!- Waifunga 1-0.

Manchester, Uingereza, 

Manchester City wamejiweka katika nafasi nzuri ya kuchukua tangu mwaka 1968 baada ya hapo jana kuifunga Manchester United kwa goli moja kwa bila kupitia nahodha wao Vincent Kompany katika uwanja wao wa nyumbani wa Etihad. Katika mchezo huo Manchester City ndiyo walikuwa timu bora katika kiwango huku wakitumia kikosi kile kile walichokitumia katika mchezo wao kabla ya huo dhidi ya Wolves tofauti na wapinzani wao Manchester United waliojaza viungo watano katikati ambapo Park Ji-Sung aliongezwa akisaidiana na wakongwe wengine Paul Scholes na Ryan Giggs.
Manchester United waliouanza mchezo kwa kasi walijikuta wakigeuziwa kibao katika robo ya mchezo huo na wenyeji kuanza kutawala huku Carlos Tevez alifanikiwa kuipenya ngome ya Manchester United katika dakika ya 16 na kutoa krosi ambayo hata hivyo iliondolewa na Phil Jones.

Hatimaye katika dakika ya 46 ya nyongeza ya kipindi cha Kwanza Vicent Kompany alifanikiwa kuunganisha vizuri kona iliyopigwa kutoka upande wa kushoto wa Man United  kwa kichwa na kuipa goli la kuongoza na la ushindi timu yake hiyo.

Hata hivyo baadae mchezo huo ulitawaliwa na misuguano ya hapa na pale ambapo katika kipindi cha pili kocha wa manchester City  Roberto Mancini na mwenzake wa Manchester United Alex Ferguson nusura wakunjane  baada ya Mancini kulalamikia kadi ya njano aliyopewa mchezaji wake Nigel De Jong  ambapo Ferguson alimshambulia Mancini na kumuonesha ishara kuwa yeye ni mlalamishi sana na walipokaribiana walizuiwa na kila mmoja kurudishwa upande wake, ingawa mwisho wa mchezo makocha hao walishikana mikono.

Licha ya kupambana kufa na kupona katika dakika za majeruhi Manchester United hawakuweza kubadilisha matokeo hayo.Kwa ushindi huo Manchester City inashikilia usukani wa ligi hiyo ikiwa na pointi 83 baada ya michezo 36 sawa na wapinzani wao wa karibu Manchester United  wenye pointi 83 pia ingawa wanazidiwa magoli ya kufunga na kuizidi magoli ya kufungwa manchester City.

BARAZA JIPYA LA MAWAZIRI TANZANIA, NANI KUWEPO TENA?

DAR ES SALAAM
 Siku chache baada ya Kamati kuu ya chama cha mapinduzi ya CCM kukubaliana na mapendekezo ya uongozi wa wabunge wa chama hicho wa kuwataka mawaziri wanaokabiliwa na tuhuma mbalimbali kujiengua katika nafasi zao hali imeonekana kuwa tete kwa mawaziri ambao hawana tuhuma ila watalazimika kusubiri uteuzi mpya baada ya baraza la mawaziri kuvunjwa, huku habari kutoka katika baadhi ya vyanzo zikibainisha kuwa baraza hilo litakuwa na sura mpya kwa asilimia kubwa.

Katibu wa itikadi na uenezi Nape Nnauye  aliangaza mpango wa rais kusuka upya baraza la mawaziri hapo juzi  muda mfupi baada ya kikao cha kamati kuu ya CCM(CC) kumalizika.
Katika bunge lililopita ulizuka mjadala na mvutano mkubwa kuhusu hatua ya kushinikiza baadhi ya mawaziri kujiuzulu kutokana na kushindwa kuwajibika.

Mawaziri waliotakiwa kujiuzulu kutokana na kashfa tofauti ni Mustafa Mkulo (Fedha na Uchumi) Cyril Chami (Viwanda na Biashara) William Ngeleja (Nishati na Madini) na Omar Nundu (Uchukuzi).

Wengine ni Ezekiel Maige (Maliasili na Utalii), George Mkuchika (Waziri wa Nchi Ofisi ya Waziri Mkuu, Tawala za Mikoa na Serikali za Mitaa), Profesa Jumanne Maghembe (Kilimo Chakula na Ushirika) na Dk. Haji Mponda (Afya na Ustawi wa Jamii).

  Lakini inahofiwa pia rais akapunguza ukubwa wa baraza lake hilo ambalo kwa sasa lina jula ya mawaziri 51 na kuwa na idadi pungufu zaidi ya hapo.Hata hivyo bado baadhi ya wachunguzi wa mambo wameonekana kupeleka tuhuma kwa rais mwenyewe zaidi ya watendaji wake huku wangine wakidhani yeye ndiye mwenye kupasa kuwajibika baada ya kushindwa mara kadhaa kwa watendaji wake.

CCM YAKUBALI MAWAZIRI WAWAJIBISHWE

0digg



Rais Jakaya KikweteKAMATI KUU CCM YABARIKI JK KUWAWAJIBISHA MAWAZIRI
Boniface Meena na Aidan Mhando
HATIMAYE Rais Jakaya Kikwete amesikiliza kilio cha wabunge, vyama vya siasa, wananchi wa kawaida na wanaharakati kutaka mawaziri waliohusishwa na kashfa kwenye ripoti ya Mdhibiti na Mkaguzi Mkuu wa Hesabu za Serikali (CAG) wajiuzulu baada ya kukubali kulisuka upya baraza lake.Taarifa ya Rais Kikwete kutaka kulisuka upya Baraza la Mawaziri ilitangazwa jana na Katibu wa Itikadi na Uenezi wa CCM, Nape Nnauye alipokutana na waandishi wa habari, Dar es Salaam muda mfupi baada ya kumalizika kwa kikao cha dharura cha Kamati Kuu ya CCM.

Mawaziri ambao wizara zao zilibainika kuwa na vitendo vya ubadhirifu wa mali ya umma katika ripoti hiyo ya CAG na hivyo kushinikizwa kujiuzulu ni Waziri wa Nishati na Madini, William Ngeleja; Waziri wa Uchukuzi, Omari Nundu; Waziri wa Fedha; Mustafa Mkulo na Waziri wa Nchi, Ofisi ya Waziri Mkuu, Tamisemi, George Mkuchika.

Wengine ni Waziri wa Maliasili na Utalii, Ezekiel Maige na Waziri wa Afya na Ustawi wa Jamii, Dk Haji Mponda na Waziri wa Viwanda na Biashara; Dk Cyril Chami.

Nape alisema Kamati Kuu iliyokutana jana ilipokea taarifa mbili ikiwemo uamuzi huo wa Rais kulisuka upya baraza la mawaziri kutokana na ripoti ya CAG.

“Kamati Kuu imepokea taarifa kubwa mbili, taarifa ya Kamati ya Uongozi ya Wabunge wa CCM na Kamati ya Wabunge wa CCM kwa upande mmoja na taarifa ya Kamati ya Uongozi ya Wawakilishi wa CCM kwa Bara na Zanzibar,” alisema Nape.

Alisema pamoja na taarifa hizo, Kamati Kuu ilipokea taarifa ya jinsi Rais alivyopanga kuchukua hatua za kuwawajibisha mawaziri na watendaji serikalini na viongozi wa mashirika ya umma waliobainika kuhusika na ubadhirifu ulioainishwa na CAG, kamati za kudumu za Bunge na wabunge.

“Kamati Kuu inatambua na kuheshimu haki na wajibu wa wabunge kujadili utendaji wa Serikali yao. Inapongeza juhudi za Serikali kuhakikisha kuwa ripoti ya CAG inajadiliwa kwa uwazi na hivyo kuibua upungufu uliojadiliwa,” alisema Nape.

Alisema kutokana na hilo, Kamati Kuu imeridhika na imebariki uamuzi wa Rais kulisuka upya baraza la mawaziri na taasisi nyingine zilizoainishwa katika ripoti hiyo ya CAG.

“Kamati Kuu imesisitiza utekelezaji wa uamuzi huo wa Rais ufanywe mapema iwezekanavyo," alisema na kuongeza kwamba Rais anaweza kuwabadilisha mawaziri na kuwawajibisha wale ambao kutokana na uzito wa tuhuma zilizopo kwenye ripoti ya CAG, wanapaswa kuwajibishwa.

"Taarifa ya CAG ndiyo ambayo ukiipitia inaonyesha nani atawajibishwa kutokana na uzito wa tuhuma,” alisema Nape.

Alipoulizwa lini Rais amepanga kulisuka baraza hilo la mawaziri, Nape alijibu: “Wakati wowote na haraka iwezekanavyo.”

Alisema kabla ya Rais kutoa uamuzi huo, alikutana na Waziri Mkuu, Mizengo Pinda juzi ambaye alimpa ripoti nzima ya mambo yaliyojiri bungeni.

Alisema CCM hakijatikiswa na sakata la mawaziri hao na kwamba suala lililopo mbele yao ni kuwawajibisha... “Tunajivunia tumelifikisha suala hili hapa kutokana na mfumo."

Katika Mkutano wa Saba wa Bunge la 10 mawaziri hao walishinikizwa wajiuzulu kiasi cha wabunge kumkalia kooni Waziri Mkuu, Pinda baada ya ripoti hiyo ya CAG kubainisha ubadhirifu wa fedha za umma kama ilivyowasilishwa bungeni na wenyeviti wa kamati za tatu za Bunge.

Taarifa za ndani ambazo zilipatikana baada ya kikao cha wabunge wa CCM kilichofanyika Dodoma zilieleza kuwa wabunge wa chama hicho waliagiza mawaziri hao wajiuzulu kutokana na kushindwa kufanya kazi zao kikamilifu.

Baada ya kikao hicho Katibu wa Wabunge wa CCM, Jenista Mhagama aliwaambia waandishi wa habari kuwa wamekubaliana kwamba uamuzi uliofikiwa katika kikao cha wabunge wa CCM ungetolewa baadaye na Mwenyekiti wa Wabunge wa CCM Waziri Mkuu, Mizengo Pinda.

Vyanzo vya ndani ya kikao hicho vilimnukuu Pinda akiwataarifu wabunge kwamba mawaziri wanane walitakiwa kuandika barua za kuachia nafasi zao.

Chami ajikosha

Wakati akiwa amekalia kuti kavu, Dk Chami amesema amemwandikia barua Rais Kikwete akitaka amwajibishe Mkurugenzi Mkuu wa Shirika la Viwango Tanzania (TBS), Charles Ekelege.
Hatua hiyo ya Dk Chami imekuja baada ya wabunge kuchachamaa bungeni wakitaka Waziri Chami ajiuzulu kwa kile kinachodaiwa kumkingia kifua mkurugenzi huyo.

Licha ya shinikizo hilo, Waziri Chami alikuwa akijitetea kuwa asingeweza kumchukulia hatua mkurugenzi huyo bila kuwa na tuhuma ambazo zingempa nguvu ya kumshauri Rais.

Dk Chami alikuwa akisema kuwa hadi bunge linamalizika mjini Dodoma wiki hii alikuwa hajaiona ripoti ya Kamati Ndogo ya Bunge iliyomchunguza Ekelege ambayo ingemsaidia kupata tuhuma zinazomkabili.

“Hata ripoti maalumu ya ukaguzi iliyofanywa na CAG mpaka wabunge wanapaza sauti pale bungeni sikuwa nimeiona na Ekelege ni mteule wa Rais nitamwambia Rais amefanya nini?”

Mkurugenzi huyo mkuu anatuhumiwa kuisababishia Serikali hasara ya Sh18 bilioni kutokana na utendaji mbovu katika kusimamia ukaguzi wa magari yanayoingia nchini uliokuwa ukifanywa na mawakala nje ya nchi.

Dk Chami alithibitisha jana kuwa baada ya kupokea taarifa ya CAG Aprili 18, mwaka huu siku iliyofuata alimwandikia barua Rais akimuomba amsimamishwe kazi Ekelege.

Alisema amemuomba Rais afanye mambo mawili, kumpa likizo ya malipo ili kupisha uchunguzi wa tuhuma zinazomkabili na pia airuhusu Bodi ya Wakurugenzi kuteua kaimu katibu wake.

LHRC nao washinikiza

Kituo cha Sheria na Haki za Binadamu (LHRC) jana asubuhi kiliitisha mkutano na waandishi wa habari na kumtaka Rais Kikwete awawajibishe mawaziri wote na watendaji wa Serikali wanaohusika katika tuhuma za ubadhirifu wa fedha za umma.

Mkurugenzi Mtendaji wa LHRC, Dk Hellen Kijo-Bisimba alisema baada ya uchunguzi wa CAG kubaini kuwepo kwa matumizi mabaya ya fedha za umma, ni wakati wa Rais Kikwete kufanya uamuzi wa haraka ya kuwawajibisha wote waliohusika.

“Kwa sasa tunaona wazi kwamba deni la taifa limeongezeka kutoka Sh10.5 trilioni mwaka 2010/2011 na mpaka kufikia mwaka deni hilo limeongezeka mpaka Sh14.4 trilioni na kwamba bado kuna misamaha ya kodi kiasi cha Sh1.02 trilioni jambo ambalo ni la hatari kwa uchumi wa taifa,” alisema Bisimba na kuongeza:

“Kama fedha hizi zingepata usimamizi mzuri, zingeweza kujenga kilometa 1,000 za barabara bila kuomba misaada kutoka kwa wafadhili. Jambo jingine la kushangaza ni kuwepo kwa mishahara hewa iliyolipwa kwa walimu wa vyuo vikuu 17 ambapo Serikali imepoteza Sh1.9 bilioni ambazo zingeweza kutumika kuwakopesha wanafunzi zaidi ya 1,000.”

“Tunamuomba Rais Kikwete alitilie uzito suala hili kwani kuna mambo mengi yamejitokeza wazi na kuonyesha kwamba mawaziri wake siyo watendaji makini kwani imefikia wakati wao kwa wao wanatofautiana katika uamuzi jambo ambalo sisi kama Watanzania linatushangaza.”

“Tumeshangazwa sana kuona utovu uliokithiri wa nidhamu na kukosekana kwa uwajibikaji unaofanywa na mawaziri kwani wamekuwa wakitofautiana wao kwa wao jambo ambalo hata viongozi wa juu kama Waziri Mkuu wamelinyamazia bila kuchukua hatua zozote hali ambayo inazidi kutuchanganya.”

Bisimba alizipongeza Kamati za Bunge kwa kile alichoeleza kuwa zimefanya kazi yake vizuri na kusaidia kufichua baadhi ya mambo ambayo yalikuwa yamejificha.

“Tukiwa watetezi wa haki za binadamu tunajiuliza kwamba mawaziri hawa walikuwa wapi kipindi chote hicho mpaka wabunge wasimame ndipo wawajibike?” alisema.

Aliwataka wabunge kutanguliza mbele maslahi ya wananchi waliowaweka madarakani na badala ya kujali maslahi ya vyama vyao au ya mtu binafsi.

Kamati Kuu Chadema

Kwa upande wake, Kamati Kuu ya Chadema nayo ilikutana Mbezi Beach, Dar es Salaam jana ambako pamoja na mambo mengine, ilijadili namna itakavyoendesha maandamano nchi nzima kumshinikiza Rais Kikwete awawajibishe mawaziri hao.

Baadhi ya vyama vya siasa na taasisi nyingine zimeshaweka bayana msimamo wake wa kuungana na Chadema katika maandamano hayo. Hizo ni pamoja na Chama Cha Wananchi (CUF), Shirikisho la Vyama vya Wafanyakazi Tanzania (Tucta) na baadhi ya viongozi wa dini, wasomi na wanaharakati.

Mgomo wa madaktari- Kikwete Aingilia Kati.

Kikwete aingilia kati mgomo wa madaktari

KIPANYA NA KUNJI LA MADAKTARI!

UCHAGUZI SENEGAL KUINGIA DURU YA PILI

DAKAR, SENEGAL,                                Ikiwa Zaidi ya nusu ya kura zilizopigwa katika uchaguzi wa kugombea urais Jumapili iliyopita nchini Senegal zimekwishakuhesabiwa, matokeo yanaonesha dhahiri uwezekano wa kuwepo Duru ya pili ya Uchaguzi huo baada ya mshindi wa moja kwa moja kushindwa kupatikana hadi hivi sasa. Matokeo hayo yanaonesha rais wa aliyepo madarakani Bw.Abdoulaye Wade akiongoza kwa asilimia 32.17 huku mpinzani wake wa karibu na waziri mkuu wa zamani wa nchi hiyo Bw.Macky Sall akimfuatia kwa kura 25.24, ilhali mshindi akihitajika kuwa na asilimia 50 au zaidi ya kura zote. Rais Wade ambaye alijitapa kuibuka mshindi siku ya jumapili alipomaliza kupiga kura, amekiri kuwa mambo ni magumu na kusema yote yanawezekana ya pengine yeye kushinda moja kwa moja  au kuingia duru ya Pili na mpinzani wake mkuu Bw. Sall, Huku msemaji wake hapo jana  akikiri  kuwa kweli hali ipo wazi kuwa uchaguzi huo utaingia duru ya pili. Matokeo toka wilaya 282 kati ya jumla ya wilaya 551 yamekwishahesabiwa na yanaendelea kutangazwa katika vyombo mbali mbali vya habari nchini humo huku tume ya taifa ya uchaguzi nchini humo ikisubiri kuyatangaza rasmi siku ya Ijumaa hii. Ikiwa uchaguzi huo utaingia duru ya pili hiyo itakuwa ni habari mbaya kwa Rais Wade ambaye sasa atakwenda kupambana na wapinzani waliounganisha nguvu zao kumuunga mkono mpinzani mwenzao Bw. Sall.  Senegal ambayo inaaminiwa kuwa nimoja ya nchi zenye demokrasia barani Afrika imeingia dosari hivi karibuni baada ya rais wa nchi hiyo aliyepo madarakani Bw.Abdoulaye Wade kung'ang'ania kugombea katika awamu ya tatu baada ya kumaliza vipindi vyake viwili vya uongozina kusababisha  vurugu pamoja na maandamano yaliyoshuhudia matumizi ya nguvu kutoka kwa vikosi vya Usalama hali inayolaaniwa na Wanaharakati na Wapinzani nchini humo. Hata hivyo ucrudiaji wa uchaguzi huo ni suala la kusubiri kwani kwa sasa lolote laweza kutokea na pengine mshindi wa moja kwa moja akapatikana.

MAANDAMANO YATISHIA UCHAGUZI SENEGAL

VIONGOZI WA DUNIA WAKUTANA LONDON KUJADILI HALI YA SOMALIA.

LONDON, UINGEREZA.

Viongozi mbalimbali duniani wanakutana leo hii Mjini London Uingereza kujadili hatima ya Somalia. Viongozi hao wanakutana na viongozi wa serikali ya Somalia kutafuta namna ya kuunganisha nguvu dhidi ya Uharamia, Umasikini uliokidhiri, njaa na Vita ya wenyewe kwa wenyewe nchini Somalia.

Takribani nchi 40 zimetuma wawakilishi katika mkutano huo huku Waziri wa mambo ya nje wa Marekani Bi.Hillary Clinton na Katibu mkuu wa Umoja wa mataifa Ban Ki-moon wakiwa miongoni mwa wahudhuriaji.Wahudhuriaji wengine ni Umoja wa Ulaya, Umoja wa Afrika, na Umoja wa Nchi za Kiarabu.

Hata hivyo kikundi cha waasi wa Al-Shabab kinachopigana kuipinga Serikali ya Somalia hakijawakilishwa katika Mkutano huo, huku kiongozi wake kamanda Abu Abudurehman akionya kuwa ikiwa matokeo ya mkutano huo yatakuwa ni uingiliaji wa mambo ya Somalia basi utapelekea hali mbaya zaidi nchini humo. Uingereza ambayo ndiyo nchi mwenyeji na muandaaji wa mkutano huo imesema lengo la mkutano huo ni kukutanisha, na kuunganisha nguvu za pamoja za kimataifa juu ya Somalia. Mkutano wa aina hii uliwahi kufanyika miaka 20 iliyopita na kupelekea kuongezeka kwa misaada ya kimataifa nchini Somalia ingawa haujafanikiwa kuleta mabadiliko makubwa mpaka sasa. Somalia imekuwa katika vita vya wenyewe kwa wenyewe kwa miaka mingi tangu kuangushwa kwa Utawala wa kiditekta wa Bw.Siad Barre mwaka 1991, ambapo kwa mujibu wa Shirika la msalaba mwekundu zaidi ya watu Milioni Moja wameuawa kutokana na vita hiyo. Kwa sasa Nchi hiyo ina serikali dhaifu chini ya Rais Sheikh Sharif Sheik Ahmed ambayo inadhibiti baadhi ya maeneo tu ya nchi hiyo huku ikikabiliwa na upinzani mkali kutoka kwa kundi la Al-shabab. Lengo kuu la mkuatano huo litakuwa ni Usalama, njaa, lakini kitu muhimu ni nini kitafuata baada ya mkutano huo ikizingatiwa kuwa serikali iliyopo madarakani ilishamaliza muda wake tangu mwezi Agosti mwaka jana.Pengine wasomalia wasubiri nini kitaamuliwa kwani labda wakati huu kunaweza kuwa na matumaini na hali ikawa tofauti na yale yaliyojiri baada ya lundo la mikutano iliyokwishafanyika juu ya Somalia.

WAANGALIZI WA UMOJA WA MATAIFA WAONDOKA IRAN

VIENNA/TEHRAN |
Waangalizi wa umoja wa mataifa waameondoka leo nchini Iran baada ya kukataliwa na Iran kukagua maeneo muhimu ya siri yanayohisiwa kutengeneza silaha za Nyuklia hali ambayo inaweza kuongeza mvutano kati yake na mataifa ya Magharibi.
Marekani imeishutumu Iran na kusema kwa mara nyingine tena nchi hiyo imeka
taa kutimiza wajibu wake wa kimataifa katika mpango wake huo wa nyuklia.


Iran kwa upande wake kupitia kwa kiongozi mkuu wa kidini Bw.Ayatollah Ali Khamenei Imesema sera za iran kuhusu mpango wake wa nyuklia hazitabadilika licha ya mkandamizo kutoka kwa nchi za magharibi zinazoutuhumu mpango huo kama wa kutengeneza silaha
za maangamizi, "Kwa msaada wa Mungu na bila kujali propaganda, mpango wa nyuklia wa iran utaendelea kwa uimara na Umakini" alisema kiongozi huyo akiongeza kuwa vikwanzo na mauaji hayatazaa matunda katika kuukwamisha mpango huo.


Timu ya wataalamu kutoka Vienna ya kuchunguza Nguvu za atomiki IAEA ilikuwa nchini Iran ikitegemea kukagua sehemu ya Parchin ambapo ndipo kunaaminika kuwepo kwa vifaa vya majaribio ya milipuko lakini IAEA imesema Iran imewazuia kufika sehemu hiyo.

Kukataliwa huko timu hiyo kunaweza kuongeza msuguano zaidi na hati hati ya kuvunjika kwa kwa mapatano ya mradi huo wa nyuklia kati ya Iran na mataifa sita yakiwemo Marekani,China, Uingereza, Urusi,Ufaransa na Ujerumani.

SUDAN YA KUSINI YAFUNGA USAFIRISHAJI WA MAFUTA KWENDA SUDANI YA KASKAZINI.

JUBA/ADDIS ABABA, Sudan ya kusini leo imefunga rasmi usafirishaji wa mafuta yake kuelekea Sudani ya Kaskazini hadi pale matakwa yake yatakapotekelezwa.matakwa yanayohusiana na kulipwa deni lake la dola bilioni 2.4, kuacha kuwasaidia waasi na kuachia eneo linalogembewa na mataifa hayo mawili la Abyei pamoja na kuchorwa kwa mpaka kamili wanchi hizo mbili.   
              Akiongea kwa niaba ya Serikali yake waziri wa mafuta  wa Sudan ya Kusini Bw.Stephen Dhieu Dau amesema Sudan ya kusini imesimamisha usafirishaji wa mapipa yapatayo 350,000 kwa siku kwenda Sudan kaskazini " ufungaji huo ni asilimia 100 na usafirishaji wake utaanza mpaka pale makubaliano yatakapofikiwa na kusainiwa' alisema waziri huyo.Waziri huyo alisema Sudan ya kaskazini ni lazima iheshimu mipaka iliyaokubaliwa mwaka 1956 na hivyo kurudisha maeneo yote iliyoyapora kutoka kwa Sudan ya Kusini.


               Akiongea katika baraza la umoja wa Afrika katibu mkuu wa Umoja wa Mataifa bw. Ban ki moon alisema ana wasi wasi kuwa mgogoro huo utapelekea matumizi ya silaha na kuleta vita na akawalaumu marais wa nchi hizo mbili kwa kushindwa kufikia makubaliano.


               Sudan ya kaskazini ambayo imepata uhuru wake mwaka jana mwezi julai inaituhumu Sudan ya kusini kwa Kuipokonya eneo la abyei ambalo lina utajiri wa mafuta kwa kuweka vikosi vyake tangu mwaka jana, pia kwa kukisaidia kikundi cha Sudan People's Liberation Movement North (SPLM-N) kinachoipinga serikali ya Sudan Kusini pia inalalamikia gharama za usafirishaji mafuta inazotozwa na Sudan ya Kaskazini ambayo ndio mmiliki wa mabomba yanayosafirisha mafuta hayo licha ya Sudan ya Kaskazini kumiliki robo tatu ya eneo hilo. marais wa nchi hizo walikutana ijumaa iliyopita na kushindwa kufikia makubaliano.

Rais wa Benin Thomas Boni Yayi, achaguliwa kuwa Mwenyekiti Mpya wa Umoja wa Afrika.

  Adis Ababa,Ethiopia,

  Viongozi kutoka nchi 54 za afria wamemchagua rais wa benin Bw. Thomas                                               Boni Yayi kuwa mwenyekiti mpya wa Umoja huo akimbadili rais wa  Guinnea ya Ikweta bw. Teodoro Obiang Nguema aliyetumikia kwa mwaka mmoja uliopita. Akipokea wadhifa huo Rais huyo ameelezeaa furaha yake yakupewa heshima hiyo na kuahidi Kudumisha amani barani Afrika.

   Baraza hilo la umoja wa Afrika Linalokutana  kwa muda wa siku mbili mjini Adis Ababa kesho linatarjiwa kumchagua mkuu wa baraza la usalama na Amani ambaye pia atakuwa anampokea wadhifa huo ndugu

Jean Ping kutoka Gabon aliyekuwa madarakani tangu mwaka 2008, anayegombea nafasi hiyo ni mke wa zamani wa rais wa sasa Afrika kusini Bw.Jacob Zuma mama  Nkosazana Dlamini-Zuma ambaye pia ni waziri wa mambo ya ndani ya Afrika kusini.Afrika kusini imesema inaimani mama huyo atshinda na kuchukua wadhifa huo kutoka kwa Bw. jean Ping.

                                                                                                                                                                     Katika mkutano huo wa 18 wa kilele ajenda muhimu zinazojadiliwa ni pamoja na kuimarishwa bishara Afrika, mzozo wa Somalia, mgogoro wa mafuta kati ya Sudan na Suda kusini na pia suala la viongozi wa Afrika kung'ang'ania madaraka.  

MAJESHI YA SYRIA YAPAMBANA NA WAASI KARIBU NA DAMASCUS

SYRIA -Ikiwa ni miezi kumi tangu kuanza kwa maandamano ya kupingwa kwa utawala wa Rais Bashar Al-assad wa Syria mapigano yameripotiwa karibu na mji mkuu wa Damascus huku Douma tangu leo asubuhi. Imedaiwa waasi wamesogea mpaka eneo hilo wakielekea mji mkuu wa nchi hiyo huku gavana wa jimbo hilo akiongelea juhudi za kusitisha mapigano na kuzungumza  "Wengi tumezungumza nao na wameondoka natumaini wakirudi watarudi na njia nzuri" alisema gavana Hussein Makhloufa  alipokuwa akiongea na waangalizi kutoka Umoja wa nchi za kiarabu kabla hawajaingia katika mi mkuu wa nchi hiyo katika maeneo yenye vurugu.

             Jeshi la serikali tayari lipo eneo hilo na limeanza operesheni ya nyumba kwa nyumba kuwakamata watu linaowashuku kuhusika na uasi, ambapo waandishi wa habari walioneshwa silaha za Mabomu zilizotengenezwa kienyeji ambazo jeshi hilo limezikamata kutoka kwa wananchi.

Hata hivyo kikundi pinzani kinachoangalia haki za binadamu nchini Syria kimesema Serikali imewakamata watu 200 katika uvamizi huo wa Douma ambao ni moja ya miji yenye upinzani mkali kwa rais Al-assad.

Imedaiwa kikundi cha The Free Syrian Army (FSA) kimekamata baadhi ya maeneo ya Damascus, hallasta na Douma ingawa bado kinapata upinzani mkali kutoka kwa majeshi yenye silaha kali ya Serikali kama anavyokiri mmoja wa wapiganaji wa waasi kwa jina Abu Thaer. amabye anasema jeshi la nchi lina silaha kali ikiwamo ndege na magari ya kivita wakati wao wanabunduki aina ya Riffle, na mabomu madogo madogo.


Syria imekuwa katika machafuko kwa miezi kumi sasa ambapo wananchi wanomppinga rais wa nchi hiyo wanapambana na vikosi vya usalama kumtaka aondoke madarakani.

WAASI WACHUKUA MJI MUHIMU WA MAFUTA LIBYA.

Wakipigana na majesh ya Mouammar Ghadaffi waasi nchin Libya wamefanikiwa kuuteka mji muhimu waenye Mafuta wa Begra uliopo pwani ya Bahari ya mediteranian. Msemaji wa jeshi la waasi Al-Rijal amesema wamefanikiwa kuchukua Mji huo uliopo kilometa 200 kutoka ngome kuu ya waasi  ya Benghazi baada ya mapigano ya wiki tatu mfululizo, 'Begra imekombolewa' alisema Al-Rijal.
Taarifa kutoka katika mji wa Brega zinasema kuwa katika mapambano ya usiku wa kuamkia juzi, zaidi ya wapiganaj waasi saba wamepoteza maisha huku wengi 44 wakijeruhiwa na kuongeza kuwa wanajeshi 20 wa Kanali Gaddafi wamejisalimisha kwa vikosi vya waasi.
Licha ya kushikilia baadhi ya maeneo katika mji huo waasi hao wameendelea pia kupata upinzani katika mji Misrata, mji ambao wameongeza mashambulizi kutaka kuuweka chini ya himaya yao kiti ambacho kimeonekana kutowezekana kwa sasa.
Mashambulizi ya waasi yaliongezewa nguvu na vikosi vya majeshi ya NATO miezi mitano iliyopita ambapo yamekuwa mashambulizi ya anga kwenye kambi za wanajeshi wa Seriali huku wachambuzi wa mambo wakisemakuwa vikosi hivyo vimeshindwa kumuangusha Kanali Muammar Gaddafi.
Siku ya Alhamisi mamia ya waasi waliuteka Mji mdogo wa Nasser kilometa 25 kutoka mji wa Zawiya baada ya masaa kadhaa ya mapigano, Zawiya ni mji  wa karibu kabisa kuelekea Ngome kuu ya Muammar Gadhafi ya Tripoli abao pia ni mji mkuu wa nchi hiyo.
Maduka yalifungwa katika mji wa nasser na inadaiwa na mashuuda kuwa waasi walivami kituo kimoja cha mafuta na kajuza magari na vifaru vyao kwa mafuta hayo.(

CRDB yatoa mabilioni kusaidia ununuzi wa mazao

Bi Rose Mollel afisa Uhusiano wa CRDB akiwasilisha mada kuhusu ununuzi wa mazao katika moja ya semina huko mkoani Kagera

BENKI ya CRDB imetoa mikopo ya kununulia mazao yenye jumla ya sh. bilioni 690.5 mwaka jana ikiwa ni sehemu ya jitihada za Benki hiyo kusaidia sekta ya kilimo nchini, Mkurugenzi Mtendaji wa CRDB, Dkt. Charles Kimei ametangaza. Akimuelezea Waziri Mkuu Mizengo Pinda kuhusu shughuli za Benki hiyo ofisini kwake Magogoni jijini Dar es Salaam leo (Jumatano Aprili 4, 2012), Dkt. Kimei alisema CRDB pia itaendelea kuwasaidia kifedha wafugaji ili wanufaike na mifugo yao na uchumi wa taifa ukue. Dkt. Kimei alisema kati ya fedha hizo za kununua mazao, Sh. Bilioni 161 ni kwa tumbaku; sh. bilioni 127 ni kwa pamba; sh. bilioni 120 kwa kahawa; sh. bilioni 37 kwa korosho na sh. bilioni 245 kwa mazao mengine mbalimbali. Alisema pia kwamba CRDB imetoa mikopo kwa baadhi ya Halmashauri mbalimbali kwa ajili ya kujengea Shule za Sekondari na mikopo kwa Taasisi za Elimu kujengea majengo ya Vyuo Vikuu na kupima viwanja. Mikopo mingine ni binafsi kwa baadhi ya wafanyakazi kujengea nyumba; kununua vyombo vya usafiri; kufanya biashara ndogondogo na vile vile imekopesha vyama vya ushirika wa akiba na mikopo (SACCOS)  mbalimbali. CRDB, moja ya Benki kubwa nchini, iliyoanzishwa mwaka 1996, ina matawi 75 katika mikoa yote na katika Wilaya za Kahama, Bariadi, Geita, Karagwe, Tarime, Mbozi, Mbinga, Hai, Mpanda, Masasi, Kilosa, Bagamoyo na Kilombero. Ina mashine za kuchukulia fedha (ATM) 180; mashine za kununulia bidhaa madukani (POS) 620, ubia na SACCOS 485 na inaongoza nchini kwa rasilimali, amana za wateja, mikopo na faida. Miongoni mwa changamoto inazokabiliana nazo ni kutolipwa madeni na baadhi ya wadaiwa waliochukua mikopo kwa dhamana ya Serikali na kesi nyingi  zinazochukua muda mrefu za baadhi ya wadaiwa za zuio la Mahakama kwa Benki kuuza mali za dhamana ya mikopo. Waziri Mkuu Pinda aliipongeza Benki ya CRDB kwa mchango wake, hasa wa kusaidia sekta ya kilimo na akaahidi kuwa Serikali itazifuatilia na kuzipatia ufumbuzi changamoto za benki hiyo. (mwisho)

LEMA AVULIWA UBUNGE ARUSHA.

                        ARUSHA,
Mahakama kuu ya Kanda Mjini Arusha imetengua matokeo ya ubunge katika jimbo la Arusha na kumvua rasmi Ubunge mbunge wa sasa wa Jimbo hilo ndugu Godbless Lema kwa makosa ya Udhalilishaji, kashfa dhidi ya Mpinzani mwenzake wa Chama Cha Mapinduzi Dk.Batilda Burian.Baada ya kusomwa hukumu hiyo vilio vilisikika ndani ya mahakama hiyo.


Mpaka sasa haijafahamika nini uamuzi wa Mbunge huyo na Chama Chake kwani kwa mujibu wa Jaji Gabriel aliyesoma hukumu hiyo Lema ana haki ya kukata rufaa.

STEVEN KANUMBA AFARIKI DUNIA!!

Kanumba 'The Great" Hivyo ndivyo atakavyokumbukwa na wengi! alikuwa gwiji nambari moja katika uigizaji wa Filamu za Kitanzania akianza wakati wa maigizo ya kwenye televisheni kupitia Kundi la Kaole Sanaa Group mpaka kufikia kumiliki kampuni ya utengenezaji filamu na kuwa kinara katika mafanikio ya filamu kwa Tanzania na Afrika mashariki.Steven kanumba ndivyo anavyofahamika rasmi ambaye hapo jana Usiku amefariki dunia na kuacha majonzi makubwa kwa watanzania na wapenzi wake kwa ujumla.
Chanzo cha kifo kimeelezwa kuwa ni kuanguka na kujigonga sehemu ya nyuma katika kichwa.ambapo taarifa zinasema marehemu alisukumwa na kuanguka na kugonga kichwa chini upande wa Nyuma na kusababisha kifo chake.
Polisi mkoani Dar es Salaam imethibitisha kuwa inamshikilia kwa mahojiano msanii mwenzake wa kike kutokana na kuhusika na kifo cha Kanumba, ambaye alijizolea umaarufu mkubwa katika ukanda wa Afrika Mashariki na kati na hadi Afrika Magharibi baada ya kuwashirikisha katika filamu zake baadhi ya wasanii Maarufu wa Kinigeria akiwemo Mercy Johnson na Noah Ramsey.

.Kanumba alizaliwa mnamo mwaka 1984 huko Shinyanga na kupata Elimu yake ya Msingi katika Shule ya Bugoyi huko Shinyanga na Elimu ya Sekondari katika shule tofauti ikiwemo Mwadui Sekondari ya Shinyanga na Christian Seminary ya Dar es salaam kwa O-level na baadae jitegemee kwa kidato cha tano na sita .

Kanumba atakumbukwa kwa filamu zake maarufu zikiwemo  Johari, Revenge, Dar to Lagos, Devil Kingdom, Uncle JJ na nyingine nyingi nyinginezo ambao kwa hakika zilileta msisimko katika tasnia ya Filamu Tanzania na Afrika Mashariki.

Anga za Kimataifa inatoa pole kwa familia,ndugu, jamaa na wapenzi wa Mpendwa wetu Steven kanumba Mungu ailaze Roho ya Merehemu mahala pema Peponi. Amen!

JOYCE BANDA AAPISHWA KUWA RAIS MALAWI.

LILONGWE-MALAWI,
Siku mija baada ya kutangazwa rasmi kwa kifo cha aliyekuwa rais wa Malawi bw.Bingu wa Mutharika makamu  wa rais wa malawi mama Joyce Banda ameapishwa rasmi na kuwa rais wa nchi hiyo;
Bi Joyce banda anakuwa mwanamke wa kwanza kuwa Rais katika ukanda wa Kusini mwa Sahara baada ya Bi.Helen Johnsen wa Leberia Magharibi mwa Afrika.
kabla ya kuapishwa kwake kulikuwa na hofu kuwa pengine wafuasi wa Marehemu Mutharika wangebadili katiba na kumwapisha kaka wa marehemu Ndugu.Peter Mutharika kutokana na Bi. Banda kufarakana na rais mwaka 2010 na kufukuzwa kutoka katika chama cha DPP na kuunda chake cha People's Party.
Mwanamke huyo alishangiliwa kwa nguvu kabla na wakati wa kuapishwa ndani ya ukumbi wa bunge huko Lilongwe.
Bingu Mutharika alifariki hapo jana kutokana na matatizo ya Moyo. 

CHADEMA WAIBUKA KIDEDEA ARUSHA

Arumeru,-Arusha,

 Hatimaye matokeo ya uchaguzi wa Ubunge kupitia jimbo la Aremeru Mashariki yametangazwa na mgombea kupita cham cha Demokrasia na Maendeleo (CHADEMA) Joshua Nassari kuibuka kidedea na kumbwaga mpinzani wake mkuu bw. Sioi Sumari kwa tofauti ya kura 6215.Nassari amepata asilimia 54.91 ya kura zote wakati mpinzani wake wa karibu, Sioi Sumari wa CCM alipata asilimia 44.56 ya kura halali 60,038 zilizopigwa katika vituo 327 vya kupigia kura..

Akimtangaza mshindi huyo msimamizi wa uchaguzi wa mkurugenzi wa wilaya ya Arumeru bw.Gracias agenzi amemtangaza Sioi kuwa mshindi baada ya kupata jumla ya kura 32,972 dhidi ya mpinzani wake wa karibu Bw.Sioi Sumaria aliyeambulia jumla ya kura 26,757.

Pia alitangaza matokeo kwa vyyama vingine vilivyoshiriki ambapo chama ch DP kilipata kura 77, NRA kura 35 AFP kura139,UPDB kura 18,TP kura1 8 na SAU kura 22.

 Bw. Kagenzi  alieleza kuwa zaidi ya watu 120,000 walijiandikisha na aliyejitokeza na kupiga kura walikuwa 60,696 karibu  nusu ya waliojiandikisha, ambapo kura halali zilikuwa 60,038 na zilizoharibika ni 661.

Wakati huo huo  CHADEMA imeendelea kufanya vizuri katika uchaguzi wa madiwani ambapo kimefanikiwa kupata ushindi katika kata za kirumba -Mwanza, pia Songea na Mbeya

Taarifa Kwa Wahitimu Wote wa Chuo Kikuu Cha Dodoma Mwaka 2011
Monday, 26 March 2012 05:24

Wahitimu wote wa Chuo Kikuu cha Dodoma kwa mwaka 2011 wanaarifiwa kuwa vyeti vyao vya kitaaluma (Academic Transcripts) na vile vya kuhitimu masomo (Certificates) vipo katika hatua za mwisho za kuhakikiwa na kuchapishwa. Kutokana na ubora wa vyeti hivyo, zoezi hilo sio la muda mfupi. Vyeti vinatarajiwa kuwa tayari katikati ya mwezi Aprili 2012.

Pia, wahitimu wote waliorejesha majoho na hawakurudishiwa fedha zao, kwamba fedha hizo sasa zitarejeshwa kupitia akaunti zao za benki kuanzia tarehe 31 Machi 2012.

 ...Kwa taarifa zaidi Tembelea website ya chuo www.udom.co.tz 

HATIMAE LOWASA AMNADISIOI

Arumeru,
hatimaye waziri mkuu mstaafu Mh.Edward Lowassa amejitokeza na kumnadi mgombea wa kiti cha Ubunge jimbo la Arumeru Mashariki Sioi Sumari katika mkutano wa kampeni ndani ya kijiji cha Katiti huko Arumeru.

Katika mkutano huo Lowassa aliwataka wananchi kukipigia kura chama cha CCM akiwaahidi kuwa kero za maji, ardhi na Umeme zitakwisha muda watakapomchagua mgombea huyo.

“Nimekuja hapa kuwatangazia ikiwa mtakichagua CCM  mjadala wa kero  zinazowakabili utafungwa katika uchaguzi huu mdogo,” alinukuliwa Lowassa.

Huku akiongeza;

“Ni juzi tu Rais alitoa mamia ya ekari kwa wenzenu hawezi kushindwa kuwapa hata nyie ipeni kura CCM na mtaona,“ alisema akimaanisha ekari 5000 zilizotolewa na rais kikwete kwa wananchi wa Arumeru magharibi.

Lowassa pia alisisitiza wananchi kuichagua CCM kwa kuwa inalinda misingi ya amani huku  akivituhumu vyama vya upinzani kwa kuchochea vurugu.

Hii inakuwa ni mara ya Kwanza kwa Waziri mkuu huyo mstaafu kupanda jukwaani baada ya kudaiwa kuwepo kwa mivutano ya chini kwa chini na uwezekano wake wa kutojitokeza katika kampeni hizo.

katika kampeni hizo pia Rais mstaafu wa awamu ya tatu Mh.benjamin William Mkapa alipanda jukwaani huko Patandi - Tengeru   ambapo katika hotuba yake alielezea kusikitishwa na vijana wanaoibeza CCM akisisitiz CCM imefanya mengi katika miaka 50 ya Uhuru.

“Ninasikitishwa sana na vijana wetu wa leo kukukubaliana na wendawazimu wanaosema kuwa Serikali haijafanya lolote katika taifa hili, tumejenga shule za msingi na sekondari na ndiko mlikosoma na leo kweli mnaweza kukubaliana na Chadema?," aliuliza Mkapa.

“Serikali ya Chama cha Mapinduzi imefanya kazi kubwa sio kwa taifa hili peke yake lakini hata kwa kusadia ukombozi wa mataifa mengine barani Afrika,” 

Kampeni za Ubunge zilikuwa zikifikia kikomo kusubiri uchaguzi hapo Tarehe 1 Aprili siku ya Jumapili.

  

Wanadiplomasia waendeleza juhudi kuiokoa Syria

A

Picha na AFP 

RIYADH_SAUD ARABIA,

Waziri wa mambo ya nje wa Mrekani Hillary Clinton leo amekutana na mawaziri wenzake wa mambo ya nje wa Saud Arabia  Prince Al-Faisal na yule wa Kuwait SheikhSabah Khaled huko Riyadh Saud Arabia katika muendelezo wa kujadili juhudi za kukomesha machafuko ya Syria.

Mkutano huo ni maandalizi ya mkutanowa nchi 60 zinazojiita "Marafiki wa Syria" utakaofanyika mjini Istanbul, Uturuki leo jumapili. Clinton pamoja na wanadiplomasia kutoka nchi nyingine zinazounga mkono makundi ya upinzani ya Syria wanatazamiwa kuhudhuria mkutano huo wa Istanbul.

Marekani hata hivyo bado inapinga Kuwapa silaha wapinzani wa Syria pendekezo kutoka kwa baadhi ya nchi za Ghuba huku ikisisitiz umuhimu wa kuyaunganisha makundi ya upinzani na kuhakikisha huduma za kibinadamu zinatolewa nchini Syria.

Mgogoro nchini Syria umefikia kipindi cha mwaka mmoja sasa huku juhudi za kimataifa zikishindwa na kutawaliwa na Upinzani kati ya nchi za Kiamgharibi  dhidi ya urusi na China.